Complainte et regret d'une jeune fille, laquelle a esté exécutée dans la ville de Aure de Grace · Crime and Punishment Ballads

Ballad Title: Complainte et regret d'une jeune fille, laquelle a esté exécutée dans la ville de Aure de Grace
Indicated Tune: Demandez l[e] à votre père pareillement à vostre mère
Digital Source: https://play.google.com/books/reader?printsec=frontcover&output=reader&id=zdg5AAAAcAAJ&pg=GBS.PA43
Subject/theme: Female; French; hanging; infanticide; mutilation
Event Date: 1606
Printing Location: Lyon: Simon Rigaud, 1606
'La Fleur du Rozier des chansons'
Crime: infanticide
Gender of Accused: Female
Method of Punishment: mutilation, hanging?
Relevant Countries: France
Category: Crime and Punishment Ballads
Sub-Category: Execution Ballads
Language: French Ballads
Transcription: Or escoutez je vous en prie,
La complainte que je vas dire
D'une fille agée de vingt ans
Qui c'est gouvernée meschamment.
Sathan maudit tout plain de rage
Ma faict faire un grand outrage
Me conseillant de paillarder:
Et puis mon propre enfant tuer.
Ne suis je pas bien miserable
J'estoit d'un lieu tres-honorable
Avoir commis ce or peché
Helas qui ma d'es-honnoré.
Mon Pere avoit en abondance
D'or & d'argent & de chevance
Pour me marié richement,
A quelque honneste marchant.
Mais Cupidon trompeur infame
Ma enflambé le corps & l'ame
J'ay voulu prendre mes esbas,
Avec un jeune Advocat.
Comme n'ayant de Dieu la crainte
Quant je seu que j'estois ensainte
[J'ay] conclu une trahison:
Mais j'en resenty le guerdon.
Dans le grenier je suis montée
[?] celle fin de l'anfantée
Enfans que nul ne me verroit
Mais le bon Dieu point ne dormoit.
Soudain je l'ay pris par la gorge
Sans avoir de luy misericorde
D'une ache je l'ay tué
Puis l'ay jetté dans les privé.
Alors voicy venir ma Mere
Qui descouvry tout mon affaire
Estant faschée & courroussée
Elle mesme ma accusée.
Me voilla prise & liée
Et dedans la prison fut menée
Enserrée bien estroittement,
En attendant mon jugement.
La justice a ordonnée
Que j'aurois les deux point couppée
Et les mamelles tenaillé,
Car je l'ay fort bien merité.
Puis apres à une potence
Seray mise pour recompence
Je prie Dieu de paradis,
Qu'il face a mon ame mercy.
Entre vous autre jeune fille
Prenez example a ma follie
Gouvernez vous plus sagement
Las que je n'ay fait en mon temps.
A Dieu mon Pere a Dieu ma Mere
Auquel j'ay grand' vitupere
Je vous crie a tous mercy,
Priez Dieu pour moy mes amis.